.png)
"მინდა მჯეროდეს რომ მომავალი, ისეთი ცინგლიანი არ იქნება, როგორიც აწმყოა"
ინტერვიუ / ბექა 25 წლის
- რისი გწამს ცხოვრებაში?
მინდა მჯეროდეს რომ მომავალი, თუნდაც ათასი წლის შემდეგ, ისეთი ცინგლიანი არ იქნება, როგორიც აწმყოა
- როდისაა ადამიანის მომავალი ყველაზე ბუნდოვანი და ბურუსით მოცული?
როცა ყველაზე მნიშვნელოვან საკითხებზე დაფიქრდება
- როგორ უნდა მიხვდე რისი ნიჭი გაქვს?
თუ რამის კეთება გამოგდის, ნიჭი გქონია და თუ გიყვარს, შეგიძლია განავითარო
- რისი ცოდნა გჭირდება, რა გაინტერესებს?
ვიცოდე რა არის ჩვენი, ადამიანების, განვითარების საუკეთესო მოდელი, რომელიც ბოლომდე გამოგვავლენინებს ჩვენს შესაძლებლობებს
- რა გაკლია ახლა?
ცოდნა. ეს გამოსწორებადია, მაგრამ რწმენა მაკლია რომ ამ ყველაფერს რამე აზრი აქვს
- რა გაღიზიანებს ადამიანებში?
როცა ლოგიკურად უხსნი ყველაფერს, უღეჭავ და მაინც არ იგებს, იმიტომ რომ არ უნდა გაგება
- დეპრესიაში რომ ვიყო, რას მირჩევდი?
ისეთ ადამიანებთან ხშირ კონტაქტს, რომლებიც ცხოვრების ხალისს გიბრუნებენ.
Comments