.png)
"სოსოიას იდეა ძალიან მომწონს - ცას სარკედ გადავაქცევდი"
✍️ ინტერვიუ / ოთო
❓რა იყო შენთვის ამოუხსნელი?
ის, რომ ღმერთი ყოველთვის არსებობდა.
❓ რას იზამდი ღმერთი რომ იყო?
სოსოიას იდეა ძალიან მომწონს - ცას სარკედ გადავაქცევდი
❓ სიყვარული...
ძველ ბერძნებს სიყვარულის 4 აღმნიშვნელი სიტყვა ჰქონდათ: “სტორგე” - სიყვარული ოჯახის წევრებისა და ნათესავების მიმართ, “ეროსი” - რომანტიკული სიყვარული, “ფილია” - მეგობრული სიყვარული და “აგაპე” - უპირობო სიყვარული, რომელსაც პრინციპები უდევს საფუძვლად, ყველაზე აღმატებული სიყვარულის ფორმა.
❓ რა ფერია სიყვარული?
თუ სიყვარულს ფერი აქვს, თეთრია და თავის თავში მოიცავს ყველა სხვა ფერს
❓ რითი ამაყობ?
“სიამაყე წინ უძღვის დაცემას”
❓ რას ფიქრობ ახლა საკუთარ თავზე?
გემი ვარ ბობოქარ ზღვაში, რომელსაც ტალღები უმიზნოდ ათამაშებენ.
❓ კარგი გრძნობაა...
როცა სწორად იქცევი მაშინ, როცა ეს მარტივი არ არის.
❓ რა არის ყველაზე მნიშვნელოვანი რაც ადამიანმა უნდა აკეთოს?
ისწავლოს და ასწავლოს სიყვარული.
❓ რატომ უნდა გიყვარდეს საკუთარი თავი?
თუ შენი თავი არ გიყვარს, შენ არ არსებობ.
❓ საყვარელი ფრაზა...
✨ “წინასწარმეტყველების ძღვენიც რომ მქონდეს, ყველა წმინდა საიდუმლო რომ ვიცოდე, ყოველგვარ ცოდნას რომ ვფლობდე და ისეთი რწმენა მქონდეს, რომ მთების გადაადგილება შემეძლოს, მაგრამ სიყვარული არ გამაჩნდეს, არარაობა ვიქნები" (ბიბლია, 1 კორინთელების 13:2)
Yorumlar