Interview: Zura Odilavadze

"იბადება უშიშარი, თავისუფალი ადამიანი"

✍️ ინტერვიუ / Zura Odilavadze

❓ წლები..

სხეულისთვის მძიმე ტვირთია, გონებისთვის სიბრძნეა, სულისთვის კი თავისუფლების ფრთები.

❓ რა არის პიროვნების განვითარების ყველაზე მაღალი საფეხური?

თან იყო კაშკაშა, მკვეთრად გამოხატული ინდივიდი, ერთადერთი, განუმეორებელი და, ამავე დროს, ჩვეულებრივი, როგორც ყველა – ესაა ადამიანის განვითარების მწვერვალი! სწორედ რიგითობასთან შერიგებასა და ჩვეულებრიობის განცდის შესისლხორცებაა ადამიანისთვის ყველაზე დიდი სირთულე.

❓ გამიზიარეთ თქვენი გამოცდილება

ცხოვრება უკიდურესად უსამართლოა.. სამყაროს ერთი ფუნდამენტური კანონი მართავს: უსამართლობას რომ შეურიდგები, საკუთარ უძლურებას მიხვდები და ქედს მოიხრი, მხოლოდ ამის შემდეგ იწყებს მოქმედებას ეს კანონი და ბოროტება აუცილებლად ისჯება. როგორც ჩინური სიბრძნე გვასწავლის: მდინარის პირას წამოწოლილმა მშვიდად აკეთო შენი საქმე, მტრების გვამებს კი დინება ჩამოატარებს...

❓ რა ავიწყდებათ ადამიანებს ყველაზე ხშირად?

რომ ის მოკვდავია! უფრო ვრცლად: რომ დღეს ის მხოლოდ მტვრის ნაწილაკია ამ უკიდეგანო სამყაროში, ხოლო ხვალ ისიც აღარ იქნება...

❓ რას შეუძლია თქვენი გაცინება?

თუ გულწრფელ სიცილზეა საუბარი – იუმორს, კომიკურ სიტუაციებს. ირონიულად კი თანამედროვე ფეოდალებზე მეცინება – მათ კუტოკზე და განდიდების აგრესიულ სურვილზე, რომლის უკანაც მეორეხარისხოვნების განცდა იმალება.

❓ რისი გწამთ გულის სიღრმეში?

რომ კეთილი მაინც სძლევს ბოროტს, დროებით, მაგრამ მაინც... მერე დიდი ხნით ისევ ბოროტება გაბატონდება... და ასე, თავიდან...

❓ როგორი ქალია მშვენიერი ქალი?

შენ რომ გიყვარს

❓ რა მოაქვს ტკივილს?

უდიდესი გამოცდილება. ტკივილისა და განსაცდელების გადატანაში იბადება უშიშარი, თავისუფალი ადამიანი... რაც ბოლოს მაინც გაქვავებით სრულდება

❓ საყვარელი ფრაზა

✨ "ერთადერთი ადამიანი, რომელსაც შეუძლია დაგამციროს, ხარ თავად შენ“

#InterView #InterArt #ინტერვიუ #ინტერარტ #zura #odilavadze #ზურა #ოდილავაძე