რაც საკუთარი თავი შევიყვარე - ჩარლი ჩაპლინი

რაც საკუთარი თავი შევიყვარე აღმოვაჩინე, რომ ტანჯვა და ტკივილი, მხოლოდ გამაფრთხილებელი ნიშნებია იმისა, რომ ცხოვრება ჩემი მორალის ფარგლებს სცილდება. დღეს, ვიცი რომ ეს რეალობაა.

რაც საკუთარი თავი შევიყვარე მივხვდი, თუ როგორ ძლიერ შეიძლება ვაწყენინო ვინმეს, თუ ვეცდები, რომ საკუთარი სურვილები მოვახვიო თავს, მითუმეტეს თუ არც დროა შესაფერისი და არც ადამიანია ამისთვის მზად. დღეს, ამას პატივისცემას ვუწოდებ.

რაც საკუთარი თავი შევიყვარე შევწყვიტე სხვა ცხოვრებისაკენ სწრაფვა, შევძელი დამენახა, რომ ყველაფერი რაც ჩემს გარშემოა ზრდასა და განვითარებაში მიწყობს ხელს. დღეს, ამას სიმწიფეს ვუწოდებ.

რაც საკუთარი თავი შევიყვარე, გავიაზრე, რომ ნებისმიერ შემთხვევაში, ყოველთვის საჭირო ადგილზე და საჭირო დროს ვარ.. ყველაფერი კანონზომიერია. ასე, რომ შემიძლია მშვიდად ვიყო. დღეს, ამას თავდაჯერებულობას ვუწოდებ.

რაც საკუთარი თავი შევიყვარე, შევწყვიტე დროის ფლანგვა და მომავლის გეგმების დაწყობა. დღეს მხოლოდ იმას ვაკეთებ, რაც სიამოვნებასა და ბედნიერებას მანიჭებს, ვაკეთებ იმას,რაც მიყვარს და რასაც ჩემი გული აღტაცებაში მოჰყავს, ვაკეთებ ჩემი რიტმითა და მეთოდებით. დღეს, ამას უბრალოებას ვუწოდებ.

რაც საკუთარი თავი შევიყვარე, თავი დავანებე ყველაფერს, რაც ჩემთვის უსარგებლოა – საჭმელს, ადამიანებს,ნივთებს, სიტუაციებს – ყველაფერს, რაც მამცირებდა და საკუთარი თავისაგან მაშორებდა. თავდაპირველად ამგვარ დამოკიდებულებას ჯანმრთელ ეგოიზმს ვეძახდი, დღეს კი ვიცი, რომ ამას საკუთარი თავის სიყვარული ჰქვია.

რაც საკუთარი თავი შევიყვარე, აღაც ვცდილობ ყოველთვის მართალი ვიყო და ნაკლებ შეცდომებსაც ვუშვებ. დღეს აღმოვაჩინე, რომ ამას მოკრძალება ჰქვია.

რაც საკუთარი თავი შევიყვარე წარსულით აღარ ვცხოვრობ და აღარც მომავალზე ვღელავ. ვცხოვრობ წამით, რომელშიც ყველაფერი ხდება. დღევანდელი დღით ვცხოვრობ და ამას თვითრეალიზაციას ვუწოდებ.

რაც საკუთარი თავი შევიყვარე მივხვდი, რომ გონებამ შეიძლება განწყობა გამიფუჭოს და ცუდად გამხადოს, მაგრამ როგორც კი გონება გულს დავუკავშირე, ის ჩემი საუკეთესო მოკავშირე გახდა. დღეს, ამ კავშირს გულის სიბრძნეს ვუწოდებ.

ჩვენ აღარ გვჭირდება გვეშინოდეს არგუმენტების, კონფრონტაციების ან სხვა პრობლემების საკუთარ თავთან ან სხვებთან. თვით ვარსკვლავებიც კი ეჯახებიან ერთმანეთს და მათი შეჯახებით ახალი სამყაროები იქმნება. დღეს, ვიცი, რომ ესაა ცხოვრება!

ჩარლზ სპენსერ ჩაპლინი (1889 – 1977), ამერიკელი და ინგლისელი მსახიობი, სცენარისტი, კინორეჟისორი და კომპოზიტორი

თარგმანი: თემო ბერიშვილი